Sang Néwata Budi Darma Ngamolihang Anugerah Lifetime Award saking UWRF 2021

Liputan6.com, Jakarta - Gala Opening Ubud Writers & Readers Festival 2021 resmi kagelar ring Wrehaspati (07/10) wengi. Puniki dados tanda kabukak event bergengsi majeng ring para pelaku seni miwah budaya Bali taler mancanegaraa. Magenah ring Taman Dedari, The Royal Pita Maha Kedéwatan, Ubud, Gianyar, Bali.

Kesakralan acara sayan kerasayang rikala kakawitin Tari Panyembrahma olih Sekaa Génggong Kutus miwah Napak Tuju. Tari Panyembrahma inggih punika igelan sané kaanggé tari penyambutan, taler pepes kasolahang rikala upacara agama Hindu ring Pura.

Acara puniki karauhin olih Mendikbudristek; Nadiem Anwar Makarim, Kepala BPPB; Prrofessor E. Aminudin Aziz, Direktur Jenderal; Hilmar Farid, Staf Ahli Bidang Inovasi dan Kreativitas Kementrian Pariwisata dan Ekonomi; Josua Puji Mulia Simanjuntak, Wakil Gubernur Bali; Ir. Tjokorda Oka Artha Ardana Sukawati, Founder & Director UWRF; Janet Deneefe, Pembina miwah Pendiri Yayasan Mudra Swari Saraswati; I Ketut Suardana, Puri Agung Ubud; Tjokorda Gde Putra, Tjokorda Gde Raka, Para Penggerak Literasi miwah perwakilan Badan Badan Basa saking makudang-kudang Provinsi ring Indonesia. Acara pembukaan kawarnanin pemukulan kulkul olih Nadiem Anwar Makarim, Janet Demeefe, kadampingin olih Kepala BPPP, Wakil Gubernur Bali, Bupati Gianyar miwah Pembina Yayasan.

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Apa saja puisi romantis karya sang sastrawan Sapardi Djoko Damono? Yuk, kita cek video di atas!

2 dari 4 halaman

Nadiem Makarim miwah sané Kaacepang majeng ring Para Pelaku Seni

Ring sembrama wecananyané, Menteri Nadiem ngujarang bagia pesan rikala ngerauhin ka makudang-kudang sekolah ring Bali.

“Rikala ngerauhin makudang-kudang sekolah ring Bali, lédang pesan manah titian prasida nyingakin alit-alité punika ngawit ka sekolah malih tur matemu sareng timpal-timpalnyané. Taler nyingakin para pelaku budaya sané prasida mewali berinteraksi sareng rekan-rekan senimannyané,” ujar ipun mapangenan.

“Interaksi pinaka oksigen majeng ring para seniman miwah budayawan ring Indonesia taler mancanegara,” ujarnyané karingkes olih Liputan6.com, Ubud, Kamis (07/10/21).

Taler katibayang apresiasi antuk kalaksanayang acara sané pinih mawiguna majeng ring para penulis miwah pelaku seni ring Bali. Manut dané nénten dangan ngelaksanayang acara sekadi niki ring tengah pandemi sané dija patut tetep ngutamayang protocol kesehatan.Nanging, antuk semangat kebersamaan kasekenang pacang prasida mukak ruang kreasi majeng ring sesamén.

Nénten akidik budayawan miwah sastrawan sané keni pandemi ring ekonomi taler kesehatan.Unduk punika sané ngawinang iraga makasami ngicénin apresiasi majeng ring 59.000 pelaku budaya sané keni dampak pandemi miwah taler ngutamayang vaksinasi ring ipun makasami. Tetujonnyané wantah anggé mancengin ipun makasami prasida terus ngekspresiang gagasan miwah daging pikayunannyané ngambahin karya.

Dokumentasi Tim Ubud Writers & Readers Festival 2021

3 dari 4 halaman

Cok Ace miwah Arti sané Ilid saking Mulat Sarira

Pateh sareng Nadiem, Wakil Gubernur Bali Tjokorda Oka Artha Ardana Sukawati. Anak lanang sané leket kasapa Cok Ace nyambatang kesannyane ring unteng sané kapilih UWRF warsa puniki sané pinaka penyelenggara sané ka-18 inggih punika Mulat Sarira.

Mulat Sarira madué makna introspeksi diri. Unteng puniki karasayang pas rauh ring tengahing pemulihan iraga saking masan pandemi. Program 3 M saking pemerintah madué keselarasan makna sareng introspeksi punika sané ring tengahnyané madué makna sané ilid.

“Nganggé masker maarti patut nyaga tutur. Nyaga jarak madué arti saratnyané nyaga sikap, miwah ngwajikang tangan, inggih punika indik saratnyané kepedulian iraga nyaga kebersihan diri miwah lingkungan. Lantas, malih idup harmonis sareng palemahan,” pedasnyané.

Cok Ace nyambatang rasa bakti majeng ring para penyelenggara, team sponsor, penggerak literasi sané prasida ngrupaang acara puniki yadiastun ring tengahing masan pandemi. Ipun ngaptiang para penulis miwah seniman pungkur wekas prasida ngasilang karya sané binger.

4 dari 4 halaman

Budi Darma & Anugerah Lifetime Achievement Awards 2021

Lifetime Achievement wenginé punika kasembahang majeng ring Sang Néwata Budi Darma, M.A, antuk sumbangsihnyané majeng ring dunia sastra ring Indonesia. Pangargan sané kasambatang olih Janet DeNeefe selaku Founder miwah Director UWRF.

“Ngangganin Budi Darma, titiang matur suksma majeng ring prawartaka Ubud Writers and Readers Festival antuk penganugran Lifetime Achievement Awards 2021 mantuka ring Aji titian Prof. Budi Darma, M.A. Dumugi karya ipun prasida memperkaya khasanah kasusastraan ring Indonesia tur dados tuntunan ring para penulis muda,” Ujar Diana Budi Darma, okan sang néwata ngambahin rekaman video.